Ringkang

                                                                             Ringkang 

                                                                    (Sajak Nazaruddin Azhar)

Lebah dinya 

Sabot suwung jalan Nèros

na balieus  panon beueus

kabaca sakabèh tanda nu disidem hieum aleum 

dina ranggeum panungtungan 

Beurat temen nu ngan ukur sarancatan

dibawa ringkang angen - angen 

nikreuhan rumpilan kangen 

Bongan jeung lamun 

na sacangreud salang biheung

saayun jeung lèngkah 

leuseuh balas katalimbeng

2000