Sajak Nagara Demokrasi

                                           Sajak Nagara Demokrasi 

                                                                (Rosyid E Abby)

"Demokrasi geus digantung di awang- awang!"

Seah angin basa nangtang hujan silantang. 

Basa sora-sora kabebasan lir mudal dina sungut-sungut ngabudah. Pinuh mamanis

"Demokrasi geus mumbul ka alak paul ! "

Sora gumuruh hujan basa angin lilimbungan ngarubuhkeun tangkal di jalan- jalan  trotoar.

Basa kamerdekaan ngawujud kabebasan teu didinding kelir. 

Basa demokrasi ngaberung mangprung apung- apungan.

Sora demokrasi lir lagu himne atawa mars ngagalaksak ka kota-kota. ka lembur-lembur singkur

ka basisir ka pagunungan. Ka leuweung ganggong simagonggong ka lamping - lamping pasir bulistir.

Ngawujud na rampak sekar kaom demonstran. Ngawujud na heulang kaom cacah:

"Kamerdekaan, duh, kamerdekaan. Demokrasi, euy, demokrasi......."

Sorana meh les-lesan kabawa angin peradaban global